கருப்பு உளுந்து சுண்டல் செய்வது மிகவும் சுலபம். உடலுக்கு மிகவும் நல்லது, சத்தானது!
தேவையான பொருட்கள்
கருப்பு உளுந்து – 1/2 கப்
துருவிய தேங்காய் – 3 மேஜைக்கரண்டி
பெருங்காயம் – 1 சிட்டிகை
உப்பு – தேவையான அளவு
தாளிக்க
எண்ணெய் – 1 தேக்கரண்டி
கடுகு – 3/4 தேக்கரண்டி
பச்சை மிளகாய் – 3
பொடியாக நறுக்கிய இஞ்சி – 1 தேக்கரண்டி
பெருங்காயம் – 1 சிட்டிகை
கருவேப்பிலை – 1 கொத்து
செய்முறை
1. கருப்பு உளுந்தை முதல் நாள் இரவே ஊற வைக்கவும். மறு நாள், தண்ணீரை மாற்றி, உப்பு, பெருங்காயம், போதுமான அளவு தண்ணீர் சேர்த்து 3 விசில் வரை வேக வைக்கவும்.
2. தண்ணீரை வடித்து, கடையில் தாளிக்க வேண்டிய பொருட்களை ஒவ்வொன்றாக சேர்த்து தாளித்தபின், வெந்த உளுந்தை சேர்க்கவும்.
3. 2 நிமிடங்கள் வதக்கிய பின், துருவிய தேங்காய் சேர்த்து இறக்கவும்.
குறிப்பு
** கருப்பு உளுந்து, ஊறிய பின், இருமடங்காகும். அதனால் தேவைக்கேற்ப ஊற வைக்கவும்.
